/p. 379/ visi, quos nulla unquam subsecuta est in
tota Europa Regum pernicies. E contra complures
Principes mortui sunt absque ullo cometae
indicio. An cometes, ubi apparet, terret
Principes ob commune de ipsorum morte
iudicium, ideoque tristi illa cogitatione sibimetipsis
mortem accersunt?
DIALOGUS LII.
De oraculis.
Alex. –
At quid de oraculis censes? Lapideae
Deorum statuae responsa dabant,
futura praedicebant, quae in
remotissimis terrae partibus agebantur,
manifestabant, ut Historicorum
monumenta testantur. I. C. – A Daemone
haec omnia facta esse pro certo habetur apud
Christianos. Attamen, quia nullum extat Ecclesiae
decretum, non est veritus Magister
meus Pomponatius id inficiari. Alex. – Quae illum
movet ratio? I. C. – Quia responsa
edebantur circa singulares actiones, quae nullo
modo Daemoni innotescunt. Alex. – Imo
cognoscit Daemon, ut inquiunt aliqui, per
suam essentiam. I. C. – Minime, inquit ille, qui
enim ita cognoscit, aut est causa rei cognitae
aut effectus. Sic Averroës dixit Deum esse